Wednesday, May 22

చనిపోతాం.. పర్మిషన్ ఇవ్వండి : TRT అభ్యర్థులు

TRT ఉపాధ్యాయ నియామకాలను వెంటనే చేపట్టాలనీ లేకపోతే కారుణ్య మరణాలకు అనుమతి ఇవ్వాలని రాష్ట్ర మానవ హక్కుల కమిషన్ ను కోరుతున్నరు టీఆర్టీ అభ్యర్థులు. ఇవాళ రాష్ట్ర మానవ హక్కుల కమిషన్ ముందు ధర్నా చేశారు. తమకు ప్రభుత్వం నియామక ఉత్తర్వులు ఇవ్వకుండా వేధిస్తోందని మండిపడ్డారు. ఈ ఉద్యోగాలు వస్తాయని ఆశతో ఎదురు చూస్తున్నామనీ... కుటుంబ పోషణ భారంగా మారిందని ఆవేదన వ్యక్తం చేశారు.

TSPSC 2017లో TRT నోటిఫికేషన్ ఇచ్చింది. 2018 ఫిబ్రవరి 25న ఎగ్జామ్ నిర్వహించింది. ఆగస్టు నెలలో 1:1 పద్దతిలో అభ్యర్థులను ఎంపిక చేసింది. అయితే నెలలు గడుస్తున్నా తుది ఫలితాలు మాత్రం ఇవ్వడం లేదు. దాంతో ఈ రిజల్ట్స్ కోసం ఎదురు చూస్తున్న 8792 మంది అభ్యర్థుల కుటుంబా పరిస్థితి అగమ్యగోచరంగా తయారైంది. తీవ్ర మానసిక క్షోభను అనుభవిస్తున్నామని అంటున్నారు అభ్యర్థులు. ప్రభుత్వం స్పందించే వరకూ కదిలేదంటున్నారు. దాదాపు వెయ్యిమంది టీఆర్టీ అభ్యర్థులు హెచ్చార్సీ గేటు ముందే బైఠాయించారు. నిరుద్యోగ ఉపాధ్యాయ అభ్యర్థులకు బీసీ హక్కుల నేత ఆర్.కృష్ణయ్య మద్దతు ఇచ్చారు.