Wednesday, May 22

పంచాయతీ కార్యదర్శులకు ఆఫర్ లెటర్లు సిద్ధం

రాష్ట్రంలో 9355 పంచాయతీ కార్యదర్శి పోస్టులకు ఆఫర్ లెటర్లను పంచాయతీ రాజ్ శాఖ సిద్ధం చేసింది. పోస్టులకు ఎంపికైన అభ్యర్థులకు అతి త్వరలోనే లెటర్లు ఇచ్చేందుకు ఏర్పాట్లు రెడీ చేశారు. అయితే ప్రస్తుతం రాష్ట్రంలో ఎమ్మెల్సీ ఎన్నికల కోడ్ అమల్లో ఉండటంతో ఈ ప్రక్రియ ఆగిపోయింది. లెటర్లు ఇచ్చేందుకు అనుమతి ఇవ్వాలంటూ రాష్ట్ర ఎన్నికల కమిషనర్ రజత్ కుమార్ కు పంచాయతీ అధికారులు ఇప్పటికే లెటర్ రాశారు. ఇవాళ, రేపట్లో అనుమతి వస్తే... తొందర్లోనే నియామక పత్రాలు ఇచ్చే అవకాశాలు కనిపిస్తున్నాయి. పంచాయతీ కార్యదర్శుల పరీక్షలు, ఎంపికలో అవకతవకలు జరిగాయంటూ కొందరు అభ్యర్థులు హైకోర్టును ఆశ్రయించారు. అయితే అప్పట్లో తాత్కాలికంగా స్టే ఇచ్చింది. ఆ తర్వాత కోర్టు ఆదేశాలతో పరీక్ష పేపర్ తో పాటు నియామక విధానాన్ని పరిశీలించి నివేదిక సమర్పించారు. దీనిపై సంతృప్తి చెందిన కోర్టు స్టేని ఎత్తివేసింది.

2018 ఆగస్టులో రాస్ట్రంలో ఖాళీగా ఉన్న 9,355 పంచాయతీ కార్యదర్శి పోస్టులకు నోటిఫికేషన్ పడింది. దీనికి 5.18 లక్షల మంది అప్లయ్ చేసుకున్నారు. 2018 అక్టోబర్ 10 పరీక్ష నిర్వహించారు. డిసెంబర్ 19న ఫలితాలు వెల్లడయ్యాయి. ఆ తర్వాత సర్టిఫికెట్స్ వెరిఫికేషన్ ప్రక్రియ కూడా పూర్తయింది.

ఇప్పుడు CEO అనుమతి ఇస్తే ఒకటి, రెండు రోజుల్లోనే జూనియర్ పంచాయతీ కార్యదర్శి పోస్టులకు ఎంపికైన అభ్యర్థులకు ఆఫర్ లెటర్స్ ఇచ్చే ఛాన్సుంది.