Friday, September 20

CURRENT AFFAIRS – JUNE 30

తెలంగాణ
01) దివ్యాంగులకు కల్యాణ లక్ష్మి, షాదీ ముబారక్ సాయాన్ని ఎంతకు పెంచుతున్నట్టు ప్రభుత్వం ప్రకటించింది ?
జ: రూ.1,25,145
(నోట్: దివ్యాంగులు కాని వారికి రూ.1,00,116 లు చెల్లిస్తున్నారు)
02) రూపాయికే రోగ నిర్ధారణ పరీక్షలను నిర్వహిస్తున్నట్టు ప్రకటించిన రాష్ట్రంలోని మున్సిపాలిటీ ఏది ?
జ: కరీంనగర్ మున్సిపాలిటీ
03) నిషేధిత బీజీ3 పత్తి విత్తనం అమ్మితే ఎన్నేళ్ళు జైలు శిక్ష పడేలా తెలంగాణ వ్యవసాయ శాఖ ప్రతిపాదనలు సిద్ధం చేస్తోంది ?
జ: ఏడేళ్ళ జైలు
(నోట్: అందుకోసం పర్యావరణ పరిరక్షణ (ఈపీ) చట్టం 1986 రూల్ 13ను సవరించనుంది.)

జాతీయం
04) కేదరీ నాథ్ ఆలయం దగ్గర ప్రధాని నరేంద్ర మోడీ ధ్యానం చేసిన గుహకు డిమాండ్ ఏర్పడింది. అక్కడే ధ్యానం చేసేందుకు చాలామంది ఆన్ లైన్ బుకింగ్ చేసుకుంటున్నారు. ఆ గుహ పేరేంటి ?
జ: ధ్యాన గుహ
05) ఆగస్టు 15 నుంచి ఎక్కడైనా రేషన్ తీసుకునే సౌకర్యాన్ని ఏయే రాష్ట్రాల్లో అమలు చేస్తున్నట్టు కేంద్ర ఆహార, వినియోగ వ్యవహారాల శాఖ మంత్రి రాం విలాస్ పాశ్వాన్ ప్రకటించారు ?
జ: ఏపీ, తెలంగాణ, గుజరాత్, మహారాష్ట్ర
06) ఒకే దేశం - ఒకే కార్డు విధానాన్ని ఎప్పటి కల్లా దేశవ్యాప్తంగా అమల్లోకి తేవాలని కేంద్ర ప్రభుత్వం నిర్ణయించింది ?
జ: 2020 జూన్ 30 నాటికి
07) దేశంలో కొత్త రైల్వే టైమ్ టేబుల్ ఎప్పటి నుంచి అమల్లోకి వచ్చింది ?
జ: 2019 జులై 1 నుంచి
08) అమెరికాలోని ఆస్పత్రులు, బీమా కంపెనీలకు ఆఫ్ షోర్, ఆన్ సైట్ పద్దతిలో అనలిటికల్ సేవలు అందిస్తున్న హైదరాబాద్ కంపెనీ డేలా మార్షల్ కు కేంద్ర ప్రభుత్వం ఇచ్చే ఏ అవార్డు దక్కింది ?
జ: ఇండియా SME 100 అవార్డు
09) జాతీయ క్రికెట్ అకాడమీ (NCA) హెడ్ గా జూలై 1 నుంచి బాధ్యతలు చేపడుతున్న భారత క్రికెట్ దిగ్గజం ఎవరు ?
జ: రాహుల్ ద్రవిడ్

అంతర్జాతీయం
10) ఏ రెండు బడా దేశాలు వాణిజ్య యుద్ధాన్ని నిలిపివేసి... చర్చలు జరపాలని నిర్ణయించాయి ?
జ: అమెరికా - చైనా
11) అమెరికాలో నిర్వహించిన క్విజ్ షోలో లక్ష డాలర్లు గెలుచుకున్న భారత్ అమెరికన్ యువకుడు ఎవరు ?
జ: అవి గుప్తా
(నోట్: 2019 టీన్ జెపర్డీ అనే పోటీలో సాధారణ విజ్ఞానంపై ఈ అవార్డు గెలుచుకున్నాడు)
12) భారత్ , బ్రిటన్ మధ్య సంబంధాలను పెంపొందించినందుకు ఏ బ్రిటీష్ సీనియర్ జర్నలిస్టుకి యాన్యువల్ యుకే-ఇండియా అవార్డ్స్ లో లైఫ్ టైమ్ ఎచీవ్ మెంట్ అవార్డు దక్కింది ?
జ: సర్ మార్క్ టులీ
(నోట్: గతంలో ఈయన బీబీసీ బ్యూరో చీఫ్ గా ఢిల్లీలో పనిచేశారు. ఎలిజబెత్ 2 మహారాణి నుంచి నైట్ బిరుదుతో పాటు, భారత ప్రభుత్వం నుంచి పద్మభూషణ్ కూడా అందుకున్నారు. )