దోస్త్ 2025 నోటిఫికేషన్ విడుదల – జూన్ 30 నుంచి డిగ్రీ క్లాసులు ప్రారంభం
తెలంగాణలో డిగ్రీ ఫస్ట్ ఇయర్ ప్రవేశాల కోసం డిగ్రీ ఆన్లైన్ సర్వీసెస్ తెలంగాణ (DOST) 2025 నోటిఫికేషన్ విడుదలైంది. ఈ నోటిఫికేషన్‌ను శుక్రవారం మాసబ్‌ట్యాంక్‌లోని ఉన్నత విద్యా మండలి కార్యాలయంలో కాలేజీ విద్యాశాఖ కమిషనర్ శ్రీదేవసేన, ఉన్నత విద్యామండలి చైర్మన్ ప్రొఫెసర్ బాలకిష్టారెడ్డి, వైస్ చైర్మన్ ప్రొఫెసర్ ఎస్కే మహమూద్, కార్యదర్శి శ్రీరామ్ వెంకటేశ్ సంయుక్తంగా విడుదల చేశారు.
అడ్మిషన్ వివరాలు: మూడు విడుతలలో సీట్ల భర్తీ
- దోస్త్ ద్వారా రాష్ట్రంలోని 8 విశ్వవిద్యాలయాల పరిధిలోని ప్రభుత్వ, ప్రైవేట్ డిగ్రీ కాలేజీల్లో అడ్మిషన్లు కల్పించనున్నారు.
- మొత్తం మూడు విడుతల్లో వెబ్ కౌన్సెలింగ్ నిర్వహించబడుతుంది.
- జూన్ 28న కౌన్సెలింగ్ ముగియనుంది.
- సీట్లు పొంది సెల్ఫ్ రిపోర్టింగ్ చేసిన అభ్యర్థులు జూన్ 24 – 28 మధ్య కాలేజీల్లో రిపోర్ట్ చేయాలి.
- జూన్ 30 నుంచి డిగ్రీ మొదటి సెమిస్టర్ క్లాసులు ప్రారంభం కానున్నాయి.
- కాలేజీల్లో ఓరియంటేషన్ ప్రోగ్రాములు జూన్ 24 – 28 మధ్య జరుగుతాయి.
తెలంగాణ విద్యార్థులకు పూర్తిస్థాయి అవకాశం
- రాష్ట్రంలో మొత్తం 1,057 డిగ్రీ కాలేజీల్లో 4,57,724 సీట్లు ఉన్నాయి.
- వీటిలో 70 నాన్-దోస్త్ కాలేజీలు ఉండగా, అవి తమ సీట్లను స్వయంగా భర్తీ చేసుకుంటాయి.
- ఈ ఏడాది నుంచి 100% సీట్లు తెలంగాణ విద్యార్థులకే దక్కనున్నాయి. గతంలో ఉన్న 15% ఏపీ కోటా తొలగించబడింది.
- కొత్త విధానంలో 95% సీట్లు తెలంగాణ స్థానిక విద్యార్థులకు, మిగిలిన 5% సీట్లు ఇతర రాష్ట్రాల నుంచి స్థిరపడినవారికి లేదా మన రాష్ట్రపు వారిని వివాహం చేసుకున్న వారి పిల్లలకు కేటాయించనున్నారు.
కొత్త నిబంధనలు – దివ్యాంగులకూ న్యాయం
- దివ్యాంగులకు 5% రిజర్వేషన్ కల్పించనున్నారు.
- ఎస్సీ వర్గీకరణ ప్రకారం సీట్ల భర్తీ చేయనున్నట్లు అధికారులు స్పష్టం చేశారు.
దోస్త్ రిజిస్ట్రేషన్ ఎలా చేయాలి?
ఇంటర్మీడియట్ పూర్తిచేసిన విద్యార్థులు దోస్త్ వెబ్‌సైట్‌ (https://dost.cgg.gov.in) ద్వారా రిజిస్ట్రేషన్ చేసుకోవచ్చు. మొదటి విడుత రిజిస్ట్రేషన్లు శనివారం నుంచే ప్రారంభం అవుతాయి.
విద్యార్థులకు సూచన: డిగ్రీ అడ్మిషన్ కోసం ఆసక్తిగలవారు గడువు మిస్ కాకుండా వెంటనే దోస్త్ వెబ్‌సైట్‌ సందర్శించి నమోదు చేసుకోవాలి.
ఇది కూడా చదవండి : వైద్య ఆరోగ్య శాఖలో ఉద్యోగాల జాతర
ఇది కూడా చదవండి : సెంట్రల్ బ్యాంక్ అఫ్ ఫైనాన్స్ లో పోస్ట్లు
