Tuesday, November 13
Log In

రేపట్నుంచి రోజుకి రూ.20 వేలే

రోజువారీ నగదు విత్ డ్రాపై స్టేట్ బ్యాంక్ ఆఫ్ ఇండియా ( SBI) పరిమితిని మళ్ళీ తగ్గించింది. ఈనెల 31 నుంచి రూ.20వేలకు మించి ATM ల నుంచి విత్ డ్రా చేసుకునే సౌకర్యం ఉండదు. మ్యాస్ట్రో, క్లాసిక్ కార్డు వినియోగదారులకు ఇప్పటిదాకా రూ.40వేలు విత్ డ్రా చేసుకునే అవకాశం ఉండేది. ఈ కార్డు వినియోగదారులు ఇకపై రోజుకి రూ.20వేలు మాత్రమే తీసుకునే అవకాశం ఉంటుంది. ఇవి కాకుండా మిగతా SBI కార్డుల వారికి 40వేల పరిమితి కొనసాగుతుందని బ్యాంకు వర్గాలు తెలిపాయి. డిజిటల్ లావాదేవీలు పెంచడం, మోసాలపై నిఘా పెట్టడానికి ఈ పరిమితి విధించామని చెబుతున్నారు. రోజువారి పరిమితి పెంచుకోవాలని ఎవరైనా భావిస్తే... హయ్యర్ వేరియంట్ కార్డు కోసం దరఖాస్తు చేసుకోవచ్చని SBI వర్గాలు సలహా ఇచ్చాయి. రూ.20వేల పరిమితి కొన్ని లక్షల మంది SBI కార్డుదారులపై ప్రభావం చూపించనుంది.