Tuesday, July 23

పంచాయతీ సెక్రటరీ నియామకాలపై హైకోర్టు సీరియస్

జూనియర్ పంచాయతీ సెక్రటరీ నియామకాల్లో తప్పులు దొర్లడంపై హైకోర్టు సీరియస్ అయింది. స్పోర్ట్స్, వికలాంగుల కోటాని పట్టించుకోకపోవడంపై ఆగ్రహం వ్యక్తం చేసింది. స్పోర్ట్స్, వికలాంగుల వాటా సరిచేసిన తర్వాత మళ్లీ ఫలితాలను విడుదల చేయాలని రాష్ట్ర ప్రభుత్వాన్ని ఆదేశించింది. పంచాయతీ సెక్రటరీ రిక్రూట్ మెంట్ పై ఉన్న స్టేని ఎత్తివేయాలన్న ప్రభుత్వ విజ్ఞప్తిని తోసిపుచ్చింది. ప్రశ్నాపత్రంలో దొర్లిన తప్పులతో పాటు 14 ప్రశ్నలను తెలుగులో కాకుండా ఇంగ్లీష్ లో ఇవ్వడంపైనా అఫిడవిట్ దాఖలు చేయాలని హైకోర్టు ఆదేశాలిచ్చింది. తప్పులు జరిగినప్పుడు ఒప్పుకోకుండా ఎందుకు మేనేజ్ చేయాలని చూస్తున్నారని హైకోర్టు ఆగ్రహం వ్యక్తం చేసింది. తమ అనుమతి లేకుండా ఎట్టి పరిస్థితుల్లో జూనియర్ పంచాయతీ కార్యదర్శి నియామక పత్రాలు ఇవ్వొద్దని హైకోర్టు సూచించింది. తదుపరి విచారణ సోమవారానికి వాయిదా పడింది.