Monday, December 17

హైసిస్ పంపిన ఫోటోలు చూశారా !

భూ ఉపరితల పర్యవేక్షణ ఉపగ్రహం హైసిస్‌ ( Hyperspectral Imaging Satellite HYSIS) తొలి అడుగును విజయవంతంగా వేసింది. భారత అంతరిక్ష పరిశోధన సంస్థ(ఇస్రో) గత నెల 29న సతీశ్‌ ధవన్‌ స్పేస్‌ సెంటర్‌ (షార్‌) కేంద్రం నుంచి పంపిన PSLV-C43 రాకెట్‌ ద్వారా హైసిస్‌ కక్ష్యలోకి చేరింది.  ఈ ఉపగ్రహం ఆదివారం గుజరాత్‌లోని లఖ్‌పేట్‌ పరిసరాలను చిత్రీకరించి సోమవారం పంపినట్టు ఇస్రో వర్గాలు తెలిపాయి. NRSC, హైదరాబాద్ కి ఈ ఇమేజెస్ చేరాయి.  ఉపగ్రహం పంపే చిత్రాలతో వ్యవసాయం, నేలసార పరీక్షలు, పర్యావరణ నియంత్రణకు సంబంధించి నేషనల్‌ రిమోట్‌ సెన్సింగ్‌ సెంటర్‌కు ఎంతో ఉపయోగ పడతాయని ఇస్రో తెలిపింది.  హైసిస్‌ పంపిన  చిత్రం ఎంతో స్పష్టంగా ఉన్నట్లు ఇస్రో అభిప్రాయపడింది. దాదాపు 380 కిలోల బరువున్న హైసిస్‌ భూమి ఉపరితలంపై ఉన్న పరారుణ, విద్యుదయస్కాంత వలయాన్ని కూడా ఛేదించి చిత్రాలు తీయగలదు.