Monday, September 24
Log In

పోలీస్ అభ్యర్థులకు వయో పరిమితి పెంచే అవకాశం

రాష్ట్రంలో భర్తీ చేయబోయే 18 వేల పోలీస్ ఉద్యోగాలకు వయో పరిమితి పెంచే అవకాశాలు కనిపిస్తున్నాయి. ఆరేళ్ళ పాటు వయో పరిమితి పెంచాలని నిరుద్యోగ జేఏసీ నేత మానవతారాయ్ ఆధ్వర్యంలో నిరుద్యోగ పోలీస్ అభ్యర్థులు హైదరాబాద్ గన్ పార్క్ దగ్గర ధర్నాచేశారు. మానవతారాయ్ తో పాటు నిరుద్యోగులను అరెస్ట్ చేశారు పోలీసులు. ఆ తర్వాత డీజీపీ మహేందర్ రెడ్డి కార్యాలయంలో చర్చలు జరిగాయి. పోలీస్ రిక్రూట్ మెంట్ లో 6 యేళ్ళ వయో పరిమితి పెంచాలని డిజీపీని కోరారు నిరుద్యోగులు. అయితే ముఖ్యమంత్రి కేసీఆర్ తో మాట్లాడి వయో పరిమితి పెంచే విధంగా చూస్తామని నిరుద్యోగులకు హామీ ఇచ్చారు డిజీపీ. గత ఏడాది లాగే 4యేళ్ళు పెంచే విధంగా ఈసారి కూడా అదే తరహాలో పెంచేందుకు కృషి చేస్తామని హామీ ఇచ్చారు డీజీపీ. ప్రభుత్వం అంగీకరిస్తే పోలీస్ రిక్రూట్ మెంట్ బోర్డు దీనిపై తొందర్లోనే అధికారిక ప్రకటన చేసే అకాశాలున్నాయి.

Comments are closed.